Hyderabad: Shehar mein ek dil dahla dene wala waqia saamne aaya hai jahan Advocate Mohammed Abdul Khader ko berahmi se qatal kar diya gaya.
Ittela ke mutabiq, na-maloom afraad ne un par V Care Online Services ke andar chhuri se hamla kiya. Hamla itna shadeed tha ke mauqe par hi unki maut ho gayi.
Yeh waqia Attapur Police Station ke hudood mein, Suleman Nagar ilaqe mein pesh aaya.
Police ne mauke par pahunch kar laash ko qabze mein liya aur muqaddama darj kar ke tahqiqat shuru kar di hai. CCTV footage aur aas paas ke logon se pooch taach jaari hai.
Shehriyon mein is waqia ke baad khauf aur gham ka mahaul hai. Police ka kehna hai ke jald hi mulzimaan ko giraftar kar liya jayega.
👉 Mazeed updates ke liye jude rahiye.
Post a Comment